ဘာသာစကား: Burmese

အင်တာနက်၏ကောင်းသောအချက်များ နှင့်ပတ်သက်သည့်အကြောင်းအရာများ (The Internet of Good Things IoGT)

IoGTသည် သင့်ဘ၀ထံသို့ ကောင်းခြင်းများယူဆောင်ပေးနိုင်သည့် ၀က်ဘ်အခြေပြု အရင်းအမြစ်များနှင့် လက်ကိုင်ဖုန်းမှတဆင့် ဖွင့်ယူသုံးစွဲနိုင်သည့် စာမျက်နှာများစုစည်းထားသည့် အစု တစ်ခုဖြစ်ပြီး သင်နှင့်သင့်ရပ်ရွာလူထုထံသို့ ပညာပေးနှင့် အသက်ရှင်သန်ရေး အထောက်အကူပြု သတင်းအချက်အလက်များ ရရှိစေနိုင်သည်။

IoGT တွင်ပါဝင်သောခေါင်းစဉ်များနှင့် အချက်အလက်များမှာ ကိုယ်ဝန်ဆောင်နှင့်မိခင်ကျန်းမာရေး၊ တစ်ကိုယ်ရေသန့်ရှင်းရေး၊ အီဘိုလာ၊ ပိုလီယိုနှင့်ကာလ၀မ်းရောဂါများကဲ့သို့သောရောဂါများနှင့်ပတ်သက်သည့်အရေးကြီး သတင်းအချက်အလက်များ၊ ဆယ်ကျော်သက်လူငယ်အရွယ်များအတွက် အိပ်ခ်ျအိုင်ဗွီနှင့် လိင်မှုဆိုင်ရာကျန်းမာရေးအကြံပြုချက်များ၊ အင်တာနက်ဘေးကင်းစွာသုံးစွဲနိုင်မှု၊ ကောင်းမွန်သော ကလေးပြုစုပျိုးထောင်နည်းများနှင့် အခြားသောအချက်အလက်များ ပါဝင်သည်။

IoGT ကိုချိတ်ဆက်ထားခြင်းဖြင့် ကလေးငယ်များ၊ ဆယ်ကျော်သက်လူငယ်များ၊ မိခင်များ၊ ဖခင်များ၊ အခြားမိသားစုဝင်များ၊ ကျန်းမာရေးဆိုင်ရာ လေ့ကျင့်သင်ကြားပေးနေသူများ၊ ပြုစုစောင့်ရှောက်ပေးနေသူများနှင့် ပြည်သူလူထုများသည် မိမိတို့ စောင့်ရှောက်မှုခံယူနေသည့်နေရာများ၌ပင် ဒေသအလိုက် ခေတ်နှင့်ညီသော အရည်အသွေးပြည့်မှီသည့် သတင်းအချက်အလက်များကို မိမိတို့မိုဘိုင်းလ်ဖုန်းများတွင် အချိန်မရွေး အခမဲ့ တိုက်ရိုက်လေ့လာဖတ်ရှုနိုင်ပါသည်။ အင်တာနက်၏ကောင်းသောအချက်များ - ယနေ့ ပိုမိုကောင်းမွန်အောင် ရှင်သန်နိုင်ပါစေ။”

The Internet of Good Things