တစ်ဦးတစ်ယောက်က အွန်လိုင်းသူငယ်ချင်းအဖြစ်တောင်းဆိုလာမှုကို လက်ခံရရှိပါသည်။ သို့သော် သူ့ကို ကျွန်ုပ်မသိပါ၊ ကျွန်ုပ်ဘာလုပ်ရမလဲ ?

• လူများသည် အခြားလူအများဖြင့် ချိတ်ဆက်ပြောဆိုလိုခြင်း သို့မဟုတ် လူမှုရေး ကွန်ယက်တွင် သူငယ်ချင်းအများအပြားထားရှိလိုသောကြောင့် မိမိမသိသောသူများထံသို့လည်း သူငယ်ချင်းဖြစ်လိုကြောင်း တောင်းဆိုမှုစာများပို့တတ်ကြသည်။

• သူငယ်ချင်းအဖြစ်လက်မခံမီ ၎င်းတို့၏ စာမျက်နှာပေါ်သွားကာ တောင်းဆိုလာသူ၏ ကိုယ်ရေးအချက်အလက်များကို ကြည့်ရှုလေ့လာသင့်ပြီး ထိုသူမှာမည်ကဲ့သို့သူမျိုးဖြစ်သည်ကို သိရှိအောင် လေ့လာသင့်သည်။ သူတို့ဘယ်သူတွေဆိုတာကြည့်ပါ။ လေ့လာပါ။ မိမိ၏သူငယ်ချင်းများထဲမှ သူနှင့်သိသည့်သူများရှိသလား။ သင်နှင့် တစ်မြို့တည်းသားတွေလား။ စသဖြင့် ကြည့်ပါ။

• ယင်းပုဂ္ဂိုလ်နှင့် မိမိကိုယ်ရေးကိုယ်တာအချက်အလက်များကို မမျှဝေချင်ဘူးဟု ခံစားရပါက သူငယ်ချင်းအဖြစ် လက်ခံစရာမလိုပေ။ မဖြစ်မနေ သူငယ်ချင်းအဖြစ်လက်ခံရမည်ဟုလည်း ဖိအားမဖြစ်ပါနှင့်။

• အကယ်၍ ထိုသူအား သင့်ကိုယ်ရေးကိုယ်တာအချက်အလက်များအား မသိရှိစေလိုပါက သင့်အကောင့်တွင် မည်သူတွေနှင့်မျှဝေမည်ဆိုသည့် ပြင်ဆင်ရွေးချယ်မှု ပြုလုပ်နိုင်သည်။

• သိရှိထားရန်မှာ အချို့လူများသည် အင်တာနက်စာမျက်နှာပေါ်တွင် မိမိ၏မှန်ကန်သောအချက်အလက်များအတိုင်း မတင်တတ်ကြဘဲ အချက်အလက်အတုများဖြင့် ဟန်ဆောင်တင်တတ်ကြသည်ကို သတိပြုရန်လိုသည်။