ဘာသာစကား: Burmese
495038784c054c0fb85c537f91f02832

အရေးပေါ်အခြေအနေများနှင့်ပတ်သက်၍ ဘာတွေသိထားသင့်သလဲ

အရေးပေါ်အခြေအနေများနှင့်ပတ်သက်၍ မိသားစုတိုင်း၊ ပြည်သူလူထုတိုင်း သိထားသင့်သည့် အချက်များ။

ပဋိပက္ခဖြစ်ပွားမှု၊ ဘေးအန္တရာယ်များ၊ သို့မဟုတ် ကပ်ရောဂါများကျရောက်ခြင်းကဲ့သို့သော အရေးပေါ်အခြေအနေများသည် မိသားစုများကို အန္တရာယ်ကျရောက်စေနိုင်ပြီး အထူးသဖြင့် ရောဂါများဖြစ်ပွားစေနိုင်ခြင်း၊ အာဟာရချို့တဲ့ခြင်းနှင့် အကြမ်းဖက်ခြင်း စသည့် အန္တရာယ်များနှင့် ကြုံတွေ့ရနိုင်ပါသည်။

မှန်ကန်သည့်သတင်းအချက်အလက်များနှင့် ပံ့ပိုးမှုများသည် မိသားစုများနှင့် ပြည်သူလူထုကို အရေးပေါ်အခြေအနေများတွင် မည်ကဲ့သို့လုပ်ဆောင် ရမည်ကို သိရှိစေပြီး အသေးစိတ်အစီအစဉ်များ ချမှတ်နိုင်မည်ဖြစ်သည်။ လတ်တလောအခြေအနေတွင် ကလေးသူငယ် သန်းပေါင်း ၂၃၀-ခန့်သည် ပဋိပက္ခဖြစ်ပွားနေသည့် ဒေသများတွင် နေထိုင်နေကြရသည်။

မိန်းကလေးများ၊ ယောက်ျားလေးများနှင့် အမျိုးသမီးများသည် အရေးပေါ်အခြေအနေများကြောင့် အဆိုးဝါးဆုံးခံစားနေကြရသူများဖြစ်သည်။နှစ်စဉ် လူသန်းပေါင်းများစွာသည် ဘေးအန္တရာယ်များကြောင့် မိမိတို့၏နေအိမ်နှင့်အရပ်ဒေသများကို စွန့်ခွာတိမ်းရှောင်နေကြရသည်။ ၂၀၁၃-ခုနှစ်က လူ ပေါင်း ၂၂-သန်းနီးပါးခန့်သည် ဘေးအန္တရာယ်များကြောင့် အိုးအိမ်မဲ့ကာ ရွှေ့ပြောင်းနေထိုင်ခဲ့ကြရသည်။ ဤအရေအတွက်၏ သုံးဆနီးပါးခန့်သည် ပဋိပက္ခကြောင့် အသစ်ရွှေ့ပြောင်းနေထိုင်သူများဖြစ်ကြသည်။ ပြင်းထန်သည့် ရာသီဥတုအပြောင်းအလဲကြောင့် နေရပ်စွန့်ခွာတိမ်းရှောင်နေထိုင်ရ ခြင်းသည် ထိုကန်းဂဏန်းထက် အဆပေါင်းများစွာ ပိုမိုများပြားနိုင်ပါသည်။ အိုးအိမ်များရွှေ့ပြောင်းနေထိုင်ရခြင်းသည် မိသားစုများ၏ အသက်မွေး ၀မ်းကျောင်းအလုပ်အကိုင်များနှင့် လူမှုရေးပံ့ပိုးမှုနှင့် ပုံမှန်လည်ပတ်နေမှုများကို ပျက်ပြားစေပါသည်။ ဤအချက်သည် မိသားစုများကို တကွဲတပြား ဖြစ်စေပြီး ကလေးများသည်လည်း ခွဲခြားဆက်ဆံခံရခြင်း၊ အလွဲအသုံးပြုခံရခြင်း၊ အကြမ်းဖက်ခံရခြင်း၊ ဆင်းရဲမွဲတေခြင်းနှင့် မတရားနှိပ်စက်ခံရခြင်း စသည့် အန္တရာယ်များနှင့်လည်း ကြုံတွေ့ရနိုင်ပါသည်။

ပဋိပက္ခဖြစ်ခြင်းနှင့် သဘာဝဘေးအန္တရာယ်များသည် ကလေးများကို ရောဂါများဖြစ်ပွားစေခြင်းနှင့် အာဟာရချို့တဲ့ခြင်းများ ဖြစ်စေနိုင်သည်။ ကျန်းမာရေးစောင့်ရှောက်မှုရရှိရန် အခွင့်အလမ်းများလည်းလျော့နည်းသွားနိုင်ခြင်းနှင့် အစားအသောက်ချို့တဲ့မှုများ ပုံမှန်ဖြစ်ပေါ်တတ်ပါသည်။ ရေရှားပါးမှုများဖြစ်လာနိုင်ပြီး အထူးသဖြင့် လူဦးရေထူထပ်ခြင်းကြောင့် ရေကိုအကန့်အသတ်ဖြင့်သာသုံးစွဲရသော အခြေအနေသို့ရောက်ရှိတတ်ပြီး သန့်ရှင်းမှုချို့တဲ့သည့်အခြေအနေများလည်း ဖြစ်ပေါ်နိုင်ပါသည်။ ကလေးများပညာရေးကိုလည်း ထိခိုက်စေနိုင်ပါသည်။ ကျောင်းများသည် တိုက်ပွဲ များအတွက် ပစ်ခတ်ခြင်းနှင့် သွေးဆောင်ခေါ်ယူခြင်း၊ ပြန်ပေးဆွဲခြင်းများအတွက် ပစ်မှတ်ဖြစ်နေပါသည်။ ကျောင်းဆရာ/ဆရာမများနှင့် ကျောင်းသုံး ပစ္စည်းများမှာလည်း ပြည့်စုံမှုမရှိနိုင်တော့ပါ။ ဤကဲ့သို့သောအခြေအနေမျိုးများတွင် အိပ်ခ်ျအိုင်ဗွီပိုး ကူးစက်ခံရနိုင်သည့် အန္တရာယ်ပိုမို ကြီးမားလာ နိုင်ပါသည်။

ပဋိပက္ခများဖြစ်ပေါ်နေချိန်တွင် မိန်းကလေးများနှင့်ယောက်ျားလေးများကို အတင်းအဓမ္မ စစ်မှုထမ်းရန်အတွက် စေခိုင်ခြင်းခံရနိုင်ပါသည်။အမျိုိးသမီးများကိုလည်း အဓမ္မကျင့်ခြင်းအပါအ၀င် ပြန်ပေးဆွဲခြင်း၊ လူကုန်ကူးခြင်း၊ လိင်မှုဆိုင်ရာအကြမ်းဖက်ခြင်း၊ စသည့်အန္တရာယ်များနှင့်လည်း ကြုံတွေ့ရ နိုင်ပါသည်။

အရေးပေါ်အခြေအနေများကြောင့် ကူးစက်ရောဂါများ ( ကပ်ရောဂါများ ) ကျရောက်တတ်ပြီး သို့မဟုတ် ကူးစက်တတ်သောရောဂါများ (ကပ်ရောဂါ) များကြောင့်လည်း အရေးပေါ်အခြေအနေများ ပေါ်ပေါက်တတ်ပါသည်။ အရေးပေါ်အခြေအနေများသည် ရောဂါ၏ပြင်းထန်သောသဘာဝနှင့် သို့မဟုတ် ပြည်သူလူထု၏ တုန့်ပြန်မှုအပေါ်အခြေခံ၍ ပိုမိုမြင့်မားလာနိုင်ပါသည်။ အသက်(၅)နှစ်အောက် ကလေးများသည် ကူးစက်ရောဂါများ ကူးစက်နိုင်ရန် အဓိကအန္တရာယ်ဖြစ်နိုင်သူများ ဖြစ်သည်။

ကလေးငယ်များနှင့် သူတို့၏မိသားစုဝင်များသည် ဖော်ပြပါအန္တရာယ်ကျရောက်သည့် အခြေအနေမျိုးတွင် ကာကွယ်စောင့်ရှောက်မှုအတွက် အခွင့်အလမ်းများနှင့် သတင်းအချက်အလက်များနှင့် ပံ့ပိုးမှုများရရှိရန် ကြိုးပမ်းဆောင်ရွက်သွားကြရပါမည်။

အရေးပေါ်အခြေအနေများနှင့်ပတ်သက်၍ မိသားစုတိုင်း၊ ပြည်သူလူထုတိုင်း သိထားသင့်သည့် အချက်များ

၁။ အရေးပေါ်အခြေအနေများတွင် ကလေးများသည် အရေးပေါ်အခြေအနေမဟုတ်သည့် အခြေအနေများကဲ့သို့ တူညီသည့်အခွင့်အရေးများ ရရှိရပါမည်။ပဋိပက္ခဖြစ်ခြင်း၊ သဘာဝဘေးအန္တရာယ် သို့မဟုတ် ကပ်ရောဂါများကျရောက်ခြင်းကဲ့သို့သောအရေးပေါ်အခြေအနေများတွင်လည်း ဤအချက်သည် အမြဲမှန်ကန်နေမည်။

၂။ မိန်းကလေးများနှင့်ယောက်ျားလေးများနှင့် သူတို့၏မိသားစုများနှင့်ပြည်သူများသည် နေအိမ်များ၊ ကျောင်းများနှင့်လူမှုအဖွဲ့အစည်းများအတွင်း အရေး ပေါ်အခြေအနေများအတွက် ပြင်ဆင်ထားနိုင်ရန် ကြိုတင်စီစဉ်ထားရှိရမည်ဖြစ်ပြီး လွယ်ကူသည့်နည်းလမ်းများကိုလည်း ရှာဖွေထားရပါမည်။

၃။ ၀က်သက်ရောဂါ၊ ၀မ်းပျက်ဝမ်းလျှောရောဂါ၊ အဆုတ်ရောင်ရောဂါ၊ ငှက်ဖျားရောဂါ၊ အာဟာရချို့တဲ့ခြင်းနှင့် မွေးကင်းစကလေးများတွင်ဖြစ်ပွားလေ့ရှိ ရောဂါများသည် အထူးသဖြင့် အရေးပေါ်အခြေအနေများတွင် ကလေးများသေဆုံးရခြင်း၏ အဓိကအကြောင်းအရင်းများ ဖြစ်သည်။

၎။ ကူးစက်ရောဂါများဖြစ်ပွားချိန် သို့မဟုတ် ကပ်ရောဂါများကျရောက်ချိန်သည် အရေးပေါ်အခြေအနေကို ဖြစ်ပေါ်စေနိုင်ပါသည်။အီဘိုလာရောဂါနှင့် နေရာဒေသအနှံ့ဖြစ်တတ်သော ကမ္ဘာ့လူတုပ်ကွေးကဲ့သို့သောရောဂါမျိုးနှင့် အခြားသောရောဂါများသည် လူအချင်းချင်း အနီးကပ်ထိတွေ့မှုကြောင့် ကူးစက်ပြန့်ပွားပါသည်။ ဖျားနာနေသူများကိုလည်း နောက်ထပ်ရောဂါကူးစက်ပြန့်ပွားမှုများမရှိသည်အထိ် သီးခြားခွဲထားရပါမည်။

၅။ မိခင်များ သို့မဟုတ် အာဟာရချို့တဲ့သော မိခင်များသည်ပင်လျင် မိခင်နို့ကိုတိုက်ကျွေးရပါမည်။ အရေးပေါ်အခြေအနေများကြောင့် စိတ်ရှုပ်ထွေးနေ ချိန်များတွင်လည်း မိခင်နို့ တိုက်ကျွေးရပါမည်။

၆။ ကလေးများသည် အရေးပေါ်အခြေအနေများတွင် ဆူပူအကြမ်းဖက်မှုများမှ ကာကွယ်တားဆီးပေးမှုများကို ခံယူနိုင်ခွင့်ရှိပါသည်။ အစိုးရများ၊ အရပ်ဖက်လူမှုအဖွဲ့အစည်းများ၊ ပြည်သူများနှင့် မိသားစုများသည် ကလေးများကို ကာကွယ်စောင့်ရှောက်ပေးရန် တာဝန်ရှိပါသည်။

၇။ ကလေးများကို ယေဘူယျအားဖြင့် သူတို့၏မိဘများ သို့မဟုတ် အမြဲပြုစုစောင့်ရှောက်ပေးနေသူများက စောင့်ရှောက်ပေးရန်လိုအပ်ပါသည်။ ကလေး များအတွက် ပိုမို၍ လုံခြုံမှုရရှိစေရန် ဖြစ်ပါသည်။ အကယ်၍ မိသားစုများနှင့်ကွဲကွာသွားပါက ကလေးများကို မိသားစုများနှင့်အတူ ပြန်လည်၍ တစ်စု တစ်ဝေးတည်းနေထိုင်နိုင်ရန် မည်သည့်ကြိုးပမ်းမှုမျိုးကိုမဆို ဆောင်ရွက်ပေးကြရပါမည်။ မိသားစုများနှင့်အတူတကွ စုစည်းနေထိုင်ခြင်းသည် ကလေးငယ်များအတွက် အသင့်လျော်ဆုံးဖြစ်သည်။

၈။ ဘေးအန္တရာယ်များနှင့် စစ်ပွဲပဋိပက္ခများကြောင့်ဖြစ်သော မိသားစုဖရိုဖရဲဖြစ်ခြင်းနှင့် စိတ်ဖိစီးမှုများသည် ကလေးငယ်များကိုကြောက်ရွံ့ခြင်းနှင့် ဒေါသကြီးခြင်းများ ဖြစ်စေနိုင်ပါသည်။ဤကဲ့သို့သောအခြေအနေများ ပေါ်ပေါက်လာပါက ကလေးများအတွက် အထူးဂရုစိုက်မှုနှင့် နွေးထွေးမှု ပိုမို လိုအပ်ပါသည်။ ကလေးများကို လုံခြုံနိုင်သမျှလုံခြုံမှုရှိအောင် ထားရှိရပါမည်။ ပုံမှန်လုပ်ငန်းများ လုပ်ဆောင်နိုင်ရန်လည်း ပံ့ပိုးပေးရပါမည်။

၉။ အရေးပေါ်အခြေအနေများဖြစ်ပေါ်နေချိန်တွင်ပင်လျင် ကလေးများကို ပညာသင်ကြားပေးခွင့်ရှိပါသည်။ကလေးများကို အန္တရာယ်ကင်းသည့် ကလေး ပျော်ကျောင်းများတွင် ပညာသင်ကြားခြင်းသည် စိတ်အာရုံများ ပုံမှန်ပြန်ဖြစ်လာစေရန် တွန်းအားပေးနိုင်ပြီး ကျန်းမာရေးပြန်လည်ကောင်းမွန်လာစေ ရန် အစပျိုးလုပ်ဆောင်လာစေရန်အတွက်လည်း ပံ့ပိုးကူညီနိုင်မည် ဖြစ်ပါသည်။

၁၀။ မြေမြှုပ်မိုင်းများ၊ မြေနင်းမိုင်းများနှင့် မပေါက်ကွဲသေးသောလက်နက်ခဲယမ်းများသည် အလွန်အန္တရာယ်ကြီးမားပါသည်။ယင်းပစ္စည်းများကို ကိုင် တွယ်ခြင်း၊ တက်နင်းခြင်း သို့မဟုတ် အခြားနည်းလမ်းတစ်မျိုးမျိုးဖြင့် အနှောင့်အယှက်ပေးခြင်းများပြုလုပ်ပါက ပေါက်ကွဲနိုင်ပြီး လူပေါင်းများစွာ အသက်ဆုံးရှုံးခြင်း သို့မဟုတ် မသန်မစွမ်းဖြစ်ခြင်းများ ဖြစ်ပေါ်နိုင်ပါသည်။ ကလေးများနှင့်သူတို့မိသားစုများသည် အန္တရာယ်ကင်းကြောင်း ကြေငြာ ထားသည့် နေရာဒေသများတွင်သာ နေထိုင်ကြရပါမည်။ မသိနားမလည်သည့် ပစ္စည်းများ ကိုယ်တွယ်ခြင်းများကိုလည်း ရှောင်ရှားကြရမည် ဖြစ်ပါ သည်။

The Internet of Good Things