ဘာသာစကား: Burmese
2bde5d182fab41778b73ea1aac02d1ef

ကာကွယ်စောင့်ရှောက်ပေးခြင်းသည် ကလေးများအတွက် အဓိကအရေးကြီးပါသည်။

ကာကွယ်စောင့်ရှောက်ပေးခြင်းဆိုတာဘာလဲ ?

ကလေးတိုင်းကာကွယ်စောင့်ရှောက်မှုရရှိရန် အခွင့်အရေးရှိပါသည်။ ကလေးတိုင်းတွင် ရှင်သန်နိုင်ခွင့်၊ ဘေးအန္တရာယ် ကင်းရှင်းနိုင်ခွင့်၊ ပိုင်ဆိုင်နိုင်ခွင့်၊ ထင်မြင်ယူဆချက်များကို အလေးထားခံပိုင်ခွင့်၊ လုံလောက်သည့်ပြုစုစောင့်ရှောက်မှုကို ရယူခံစားပိုင်ခွင့်နှင့် ကာကွယ်စောင့်ရှောက်ပေးသည့် အန္တရာယ်ကင်းသည့် ပတ်ဝန်းကျင်များတွင် ရှင်သန်ကြီးပြင်းခွင့် စသည့် အခွင့်အရေးများ ရှိပါသည်။

မိသားစုများသည် ကလေးများအတွက် ရှေ့ဆုံးမှဦးစွာ ကာကွယ်စောင့်ရှောက်ပေးနေသူများ ဖြစ်ပါသည်။မိဘများနှင့် အခြားပြုစုစောင့်ရှောက် ပေးနေသူများသည် ကလေးများအတွက် အန္တရာယ်ကင်းစေပြီး ချစ်ခင်ပျော်ရွှင်ဖွယ်ရာကောင်းသော ပတ်ဝန်းကျင်များကို စီစဉ်ဆောင်ရွက်ပေးရန် တာဝန်ရှိပါသည်။ ကျောင်းများနှင့်ပြည်သူများသည် အန္တရာယ်ကင်းပြီး ကလေးများပျော်ရွှင်သည့် ပတ်ဝန်းကျင်များကို ကလေးငယ်များ၏ အိမ်ပြင်ပ တွင် ဖန်တီးစီစဉ်ပေးရန်လည်း တာဝန်ရှိပါသည်။

ကံအကြောင်းအားလျော်စွာ သန်းပေါင်းများစွာသော ကလေးငယ်များသည် ကာကွယ်စောင့်ရှောက်မှု အပြည့်အ၀ မရရှိခဲ့ကြပေ။ကလေးအများ အပြားသည် နေ့စဉ်နှင့်အမျှ အဓမ္မနှိပ်စက်ခံရခြင်း၊ အကြမ်းဖက်ခြင်း၊ လွဲမှားစွာပြုမူခံရခြင်း၊ လျစ်လျူရှုထားခံရခြင်း၊ ခေါင်းပုံဖြတ်ခံရခြင်း၊ ၀ိုင်းပယ် ခြင်း နှင့်/သို့မဟုတ် ခွဲခြားဆက်ဆံခြင်းများ ပြုကျင့်ခံနေရပါသည်။ ဤကဲ့သို့သော အကြမ်းဖက်မှုများသည် ရုန်းကန်ရှင်သန်ခြင်း၊ ကြီးထွားခြင်း၊ ဖွံ့ဖြိုး ခြင်း အခွင့်အလမ်းများကို အဟန့်အတားဖြစ်စေပြီး ကလေးငယ်များ၏ စိတ်ကူးအိပ်မက်များကိုလည်း အနှောက်အယှက်ပေးလျက် ရှိနေပါသည်။

ကလေးငယ် သန်းပေါင်း ၁၆၀-ကျော်သည် ကလေးဘ၀တွင် ပျော်ရွှင်မြူးထူးနေကြရမည့်အစား လုပ်ငန်းခွင်များတွင် အလုပ်လုပ်နေကြရသည်။ အသက် ၅-နှစ် နှင့် ၁၄-နှစ်အကြား ကလေး သန်းပေါင်း ၁၆၀-ကျော်သည် ကလေးအလုပ်သမားများအဖြစ် အလုပ်လုပ်နေကြရကြောင်း ခန့်မှန်းထား ကြသည်။ ကလေးသူငယ်သန်းပေါင်းများစွာမှ မိန်းကလေးအများစုများမှာ အိမ်ဖော်အဖြစ် လုပ်ကိုင်လျက်ရှိနေကြပြီး နှစ်စဉ်ကလေးငယ်ပေါင်း တစ်သန်းကျော်သည် လူကုန်ကူးခြင်းခံနေကြရသည်။

ကာကွယ်စောင့်ရှောက်ပေးခြင်းဆိုတာဘာလဲ ?

မိန်းကလေးများနှင့်ယောက်ျားလေးများကို ကလေးငယ်များ၏အခွင့်အရေးများကို ဖွင့်ဟပြောဆိုလာနိုင်ရန် အားပေးတိုက်တွန်းရန်နှင့် ပံ့ပိုးကူညီမှုများ ပေးရမည်ဖြစ်ပါသည်။ လူငယ်ပိုင်းများကလည်း အလွဲအသုံးပြုခံရခြင်း၊ အကြမ်းဖက်ခံရခြင်း၊ မတရားနှိပ်စက်ညှင်းပန်းခံရခြင်းနှင့် ခွဲခြားဆက်ဆံခြင်း များမှ ကာကွယ်စောင့်ရှောက်နိုင်ရန် တက်တက်ကြွကြွပါဝင်ဆောင်ရွက်ကြရပါမည်။.

၁။ ကလေးငယ်တိုင်း မိသားစုအတွင်း ကြီးထွားဖွံ့ဖြိုးနိုင်ရန် အခွင့်အလမ်းရှိပါသည်။အကယ်၍ မိသားစုသည် ကလေးငယ်ကို ပြုစုစောင့်ရှောက်နိုင်ခြင်း မရှိပါက တာဝန်ရှိသူများအနေဖြင့် အကြောင်းပြချက်များဖော်ပြနိုင်ရန် စီစဉ်ဆောင်ရွက်ကြရမည်ဖြစ်ပြီး မိသားစုများ အတူတကွပေါင်းစည်းနေထိုင် နိုင်ရေးကို ကြိုးပမ်းအားထုတ်ကြရမည်ဖြစ်သည်။

၂။ ကလေးငယ်တိုင်း အမည်ရှိရမည့်အခွင့်အလမ်းများရှိပါသည်။ ကလေးငယ်တိုင်း နိုင်ငံသားဖြစ်ပိုင်ခွင့်ရှိရပါမည်။ ကလေးမွေးဖွားခြင်းအတွက် မှတ်ပုံတင်ခြင်းဖြင့် ကလေးအတွက်ပညာရေး၊ ကျန်းမာရေးစောင့်ရှောက်မှုနှင့်၊ ဥပဒေရေးရာအကာအကွယ်ရရှိပိုင်ခွင့်၊ လူမှုရေးဝန်ဆောင်မှုလုပ်ငန်း များ ခံစားရရှိနိုင်မည်ဖြစ်ပါသည်။ ကမ္ဘာနှင့်အ၀ှမ်း အသက်(၅)နှစ်အောက်ကလေး သန်းပေါင်း ၂၃၀-နီးပါးခန့်သည် မွေးဖွားမှတ်ပုံတင်စာရင်း မ၀င်ကြ ရပါ။ မွေးစာရင်းမှတ်ပုံတင်ခြင်းသည် ကလေးငယ်များအတွက် အလွဲအသုံးပြုခံရခြင်းနှင့် မတရားပြုကျင့်ခံရမှုများမှ ကာကွယ်ရန် အဓိကကျသည့် အချက်ဖြစ်ပါသည်။

၃။ မိန်းကလေးများနှင့် ယောက်ျားလေးများကို မည်သည့်အကြမ်းဖက်ခံမှုနှင့် ခေါင်းပုံဖြတ်ခြင်းမျိုးကိုမဆို ကာကွယ်စောင့်ရှောက်ပေးရပါမည်။ရုပ်ပိုင်း၊ လိင်ပိုင်းဆိုင်ရာနှင့် စိတ်လှုပ်ရှားခံစားမှုဆိုင်ရာ လွဲမှားစွာပြုမူခြင်း၊ လစ်လျူရှုခြင်းနှင့် အန္တရာယ်ရှိသည့် အလေ့အကျင့်များမှလည်း ကာကွယ်စောင့် ရှောက်ပေးရပါမည်။ ထို့ပြင် အရွယ်မရောက်မီ စောစီးစွာအိမ်ထောင်ပြုခြင်းနှင့် မိန်းကလေးများလိင်အင်္ဂါအစိတ်အပိုင်းကို လှီးဖြတ်ခြင်းကဲ့သို့သော အန္တရာယ်ရှိသည့် အလေ့အထများမှလည်း ကာကွယ်ပေးရပါမည်။ မိသားစုများ၊ ပြည်သူများနှင့်တာဝန်ရှိသူများကလည်း အဆိုပါကိစ္စရပ်များအတွက် ကာကွယ်စောင့်ရှောက်မှုလုပ်ငန်းများကို ဆောင်ရွက်ပေးရန် တာဝန်ရှိပါသည်။

၎။ ကလေးငယ်များကို အန္တရာယ်ရှိသည့် မည်သည့်လုပ်ငန်းများမှမဆို ကာကွယ်စောင့်ရှောက်ပေးရမည်။ကလေးငယ်များ အလုပ်လုပ်ခြင်းသည် ကျောင်းနေခြင်းအတွက် အတားအဆီးမဖြစ်စေသင့်ပါ။ ကလေးငယ်များကို အဆိုးဝါးဆုံးပုံစံများဖြစ်သည့် ကလေးအလုပ်သမားအဖြစ် လုံးဝခိုင်းစေ ခြင်း မပြုလုပ်ရပါ။ အထူးသဖြင့် ပင်ပန်းဆင်းရဲသည့် အလုပ်ကြမ်းများလုပ်ကိုင်ရခြင်း၊ အခိုင်းအစေဘ၀ဖြင့် အလုပ်လုပ်ကိုင်နေရခြင်း၊ အတင်း အကြပ်ခိုင်းစေခြင်းများ မရှိစေရန် အကာအကွယ်ပေးရပါမည်။ ထို့ပြင် မူးယစ်ဆေးဝါးထုတ်လုပ်ရေးလုပ်ငန်းများနှင့် လူကုန်ကူးခြင်း လုပ်ငန်းများနှင့် လည်း လုံးဝ မပတ်သက်စေရပါ။

၅။ မိန်းကလေးများနှင့်ယောက်ျားလေးများသည် သူတို့၏နေအိမ်၊ ကျောင်း၊ အလုပ်ခွင် သို့မဟုတ် လူမှုအဖွဲ့အစည်းများအတွင်း လိင်မှုဆိုင်ရာ လွဲမှားစွာပြုမူခံရခြင်းနှင့် မတရားအမြတ်ထုတ်ခံနေရခြင်းအန္တရာယ်များနှင့် ကြုံတွေ့ရနိုင်ပါသည်။လိင်မှုဆိုင်ရာအလွဲပြုခြင်းနှင့် မတရားအမြတ် ထုတ်ခြင်းကဲ့သို့သောဖြစ်ရပ်များကို ကာကွယ်တားဆီးရန် အရေးယူဆောင်ရွက်ပေးကြရပါမည်။ လိင်မှုဆိုင်ရာအလွဲပြုခြင်းနှင့် မတရားအမြတ်ထုတ် ခြင်းများ အဆုံးသတ်သွားစေရန် အမြန်ဆုံးကူညီပံ့ပိုးခြင်းများ လိုအပ်ပါသည်။

၆။ ကလေးငယ်များသည် ကာကွယ်စောင့်ရှောက်မှုအားနည်းသော သို့မဟုတ် ကာကွယ်စောင့်ရှောက်မှုမရှိသောနေရာများတွင် လူကုန်ကူးသည့် အန္တရာယ်များနှင့် ကြံတွေ့ရနိုင်ပါသည်။ အစိုးရ၊ အရပ်ဖက်လူမှုအဖွဲ့အစည်းများနှင့် မိသားစုများသည် ကလေးများ လူကုန်ကူးခံရခြင်းမှ ကာကွယ်စောင့်ရှောက်ပေးရန် တာဝန်ရှိပါသည်။ လူကုန်ကူးခံရသောကလေးငယ်များကို ကွဲကွာနေသောမိသားစု၊ ရပ်ရွာနှင့် အတူတကွ ပြန်လည် စုစည်းနေထိုင်နိုင်ရေးအတွက် ဆောင်ရွက်ပေးရန်လည်း တာဝန်ရှိပါသည်။ ကလေးငယ်များ၏ အကောင်းဆုံးအကျိုးစီးပွားကိုရှေ့ရှု၍ ကူညီပံ့ပိုးပေး ကြရပါမည်။

၇။ တရားဥပဒေဆိုင်ရာ စီရင်မှုများတွင်လည်း ကလေးငယ်များအပေါ် တရားမျှတမှုရှိရေးသည် ကလေးသူငယ်အခွင့်အရေးအပေါ် အခြေခံရပါမည်။ကလေးငယ်များကို ချုပ်နှောင်တားဆီးထားခြင်းသည် နောက်ဆုံးမှကျင့်သုံးရမည့် နည်းလမ်းဖြစ်သည်။ ကလေးငယ်များအတွက် ဒုက္ခရောက်နေ သူများ သို့မဟုတ် ပြစ်မှုဆိုင်ရာသက်သေထွက်ဆိုခြင်းများအတွက် ကလေးသူငယ်ဗဟိုပြု တရားစီရင်မှုဆိုင်ရာ လုပ်နည်းလုပ်ဟန်များကို ဖွဲ့စည်း ကျင့်သုံးကြရမည်ဖြစ်သည်။

၈။ ၀င်ငွေရရှိရေးပံ့ပိုးမှုနှင့် လူမှုဖူလုံရေးဝန်ဆောင်မှုလုပ်ငန်းများသည် မိသားစုများ အတူတကွနေထိုင်နိုင်ရေး၊ ကလေးများပညာသင်ကြားရေးနှင့် ကျန်းမာရေးစောင့်ရှောက်မှုများ ရရှိခံစားရေးတို့အတွက် အထောက်အကူဖြစ်စေပါသည်။

၉။ ကလေးတိုင်း အသက်နှင့်လိုက်ဖက်သော သတင်းအချက်အလက်များကို ကြားသိနိုင်ခွင့်ရရှိရပါမည်။ ထို့ပြင် သူတို့နှင့်သက်ဆိုင်သော ကိစ္စရပ်များ အတွက် ဆုံးဖြတ်ချက်များချမှတ်ရာတွင်လည်း ပါဝင်ခွင့်ရှိရပါမည်။ ဤအခွင့်အလမ်းများကို ဖြည့်ဆည်းဆောင်ရွက်ပေးခြင်းဖြင့် ကလေးများသည် လွဲမှားစွာပြုမူခံရခြင်း၊ အကြမ်းဖက်ခံရခြင်းနှင့် မတရားခေါင်းပုံဖြတ်ခံရခြင်းတုိ့မှ ကိုယ်တိုင်ကာကွယ်စောင့်ရှောက်နိုင်သည့်လုပ်ငန်းများတွင် တက်ကြွ စွာ ပါဝင်ဆောင်ရွက်ကြမည်ဖြစ်ပါသည်။ ထို့ပြင် တက်ကြွသည့် နိုင်ငံ့သားကောင်းများလည်း ဖြစ်လာနိုင်ပါသည်။

The Internet of Good Things